1. Thikhal lam deuh i neih chuan i rai thei lovang
Thineih laia thikhal lam deuh a awm vang ringawt hian rai theih lohna kawng a tiphui reng reng lo. Hengte hi chu thineih lai hian a awm ve tur renga ngaih a ni. Amaherawh chu, a tlang a lianin- a hlawm tha viau a nih chuan harsatna i tawk mai thei a. Sonography hmanga enkawl tur a ni ang.

2. Thineih lai hian sex hman a theih lova a hranga mut thin tur
Sex hi thineih lai paw'n a hman theih thova, a pawina lutuk a awm lo. Amaherawh chu, thianghlimna kawngah erawh fimkhur tur a ni.

3. Thla engemaw zat chhung chu thinei mumal lovin i awm a, chumi hnu-a i nei a nih chuan hriselna atan a pawi thei
Dik taka a kal leh theih nan- thla ruk emaw kum khat emaw a ngai pawh a ni thei e. Thla tir lamah khan dan pangaia hma hretin thi i nei thei thova, tin, tlemin a tlai hret thei bawk. Mahse, hei hi a kum khatnaah chuan a pangai a, hlauhthawn tur a awm lo.

4. Thi hul tawh chuan a rai theih loh
A dik kher lo. A chhan chu - thlatin thi i nei thova, mahse hun bi em em a nei lo a nite pawh a ni thei. Heti ang hi a nih chuan i taksa khan tui (egg) a la pechhuak thei thova, invenna tel lova sex i hman chuan i rai thei tho. 
I thi hul hun a thleng a, i thineih hun pawh a tawp hmak chiah hian a rai theih tawh loh a ni zawk e.

5. Thineih laia tuilum nena inbual hian thineih a tikhaw lo vek thei
Hei hi chu pi leh pu te'na an rinthu an sawite zinga langsar ber pawl a ni a, a dik chiah lo thung. Dik taka chuan, tuilum hian i thahruite kha a tihahdam thei a, pumna lutuk turte pawh a tiziaawm thei zawk a ni.

6. I thineih- a ni khatna leh ni hnihna ah hian sam suk loh tur
Hei pawh hi thu belhchian dawl lo bawk a ni. Hmeichhe tam zawkte chuan fai takin an inbual thin a, an lute pawh an su thin. Sam suk vang ringawt khan thineih a tihbuaina engmah a awm love.

7. Thineih laia sex hman hian thisen chhuak a tam pah
Thineih laia sex hman vang mai hian thisen chhuak hi a tam pah emaw a pun pah reng reng lo. Sex hman zawh hnu hian kaw chhungah engemaw chhuak ta huau huaua ngaihna a awm thei a, mahse hei hian thisen chhuahnaah kawngro engmah a su lem lo.

8. Thineih lai hian a rai theih loh
Thu dik tak zawk erawh chu- thineih lai hian a rai theih tih hi a ni. Hei hi a chhan ni theia chu- i taksain tui (egg) a pek dan a zir a ni a. Hei hi i thineih lai khan engtik lai pawha thleng thei a ni.
9. Thineih lai hian a tam thei ang berin mut hahchawlh thin tur
Thineih te hi chu i hringnuna thil thleng thin pakhat ve mai a ni a, hei hian chu ti teh vaka harsatna em em a thlen lovang che. Ni danga i awm dan pangai ang tho khan thlamuang takin i awm thei tih i hre dawn nia.

10. Thineih laia tuichen a tha lo
A teuh lo mai. Ngaih ngam takin tui i cheng thei e. Mahse, a tuamna tha tawk erawh i hmang ngei dawn nia. Tin, tui i chen hnu khan tui thianghlim taka intleuhfai leh ngei bawk tur a ni.