hief Minister Lal Thanhawla chuan Congress sorkar hmasa khan Prohibition hi kan puang lo thei lo tih nizan khan a department enkawl sum ruahman hrang hrang sawihonaah a sawi chhuak a. “Huphurh tak chungin kan puang a ni,” a ti.

CM chuan zu khapna dan puan a nih dawn chuan Kohhran zawng zawngte nen pawh tanrual a ngai ang dawn tih leh, Exicise te kutah innghah ngawt chi a ni dawn lo tih pawh sawi lawk sa vek a nih thu a sawi a. Hetih lai hian, zu khapna dan Prohibition puang tura nawrtu lian tak pakhat chuan ‘kan tel ve a thiang lo ve’ an ti ta hlauh a, ka lungngai lawk reng a ni, a ti bawk.

Prohibition chu sorkar kut ringawta innghata kenkawh hlawhtlin chi a ni lo tih khawvelin a hria tih Chief Minister chuan a sawi a. “Kan duh angin a hlawhtling lo a ni,” a ti.

Chanchinbumite a kawmnaah tunhmaa zu in thinte chu an biang te a puar hman a, an mawng te a dep hman a; tunlaia zu inte chu an biang a puar hman lovin an mawng pawh a thep hman lo a, an thi mawlh mawlh mai tawh tih thu ka sawi, a ti a. Zu khapna hlih chung-changh chuan - “Duh leh duh loh sawi ngam a ni lo, thil dik ka sawi mai a ni,” a ti bawk.