Mizoram Helicopter Service chu August ni 22 (Nilaini) a\ang hian Lunglei,  Lawngtlai, Saiha, Chawngte, Serchhip, Champhai, Kolasib, Khaw-zawl  leh Hnahthial te tlawhin a service dawn ta a, Lunglei a tlawh hmasa ber ang.

Helicopter hman tur Pawan Hans Company ta, Dauphin SA 365N VT-ELQ-ah hian mi 11 a chuang theih a, hetih lai hian Mizoram hi  tuipui zawl (sea level) a\anga a san em avangin vawi khatah passenger 6 bak a  phur ngam dawn lo a ni.

Helicopter ticket hi District tin DC office-ah leh Aizawla GAD (Aviation Wing) Office, Raj Bhawan opposite-ahte lei theih a ni a. Saiha leh Lawngtlai thlenga thlawhna chuan man chu Rs. 2,500 a ni a, Hnahthial leh Lunglei Rs.1,500; Serchhip leh Khawzawl Rs. 1,000; Chawngte Rs. 2,250; Champhai Rs.1,250; Kolasib thlenga chuan man Rs. 750 a ni ang.