Bairabi a\anga sairang thleng rel kawng sialna atan, Aizawl district chhung bika zangna-dawmna atan cheng vbc 20.5 mamawh a ni.

Sairang thleng a rel kawng sialna tur vil tura din, State Level Task Force chu nimin khan an Chairman, Zasanga, IPS (Rtd) hovin  I&PR Conference Hall-ah an \hu-khawm a, hnathawh dan kalphung tlangpui an thlirho a ni.

Aizawl District huam chhunga rel kawng siam turin a mamawh ram lak dan dinhmun sawi ho a ni a,  August 5, 2012 a ram leh zangnadawmna report chu Railway Ministry-ah thehluh tawh anih thu leh zangna-dawmna atan cheng vbc 20.5 mamawh anih thu te sawi a ni a. Rel kawng siamna atan hian Enviroment & Forest Department chuan April 27, 2012  Ministry of Environment & Forest-ah Forest Clearance dilna an thehluh tawh bawh-zui dan tur an sawiho bawk a. Madan Singh, C.E, Railways, Malegoan chuan ram a inpeih fel veleh hnathawh tan nghal theih anih thu a sawi  a ni.

Meeting ah hian Mizoram sorkar a a kaih-hnawih department hrang hrang - Power & Electricity, E&F, Transport, Revenue te bakah member Hmingdailova Khiangte MLA, C.Ram-hluna, MLA, Dr. H. Than -sanga leh RK.Thanga te an tel a ni.