Animal Husbandry & veterinary department chuan kum 2011-2012 chhung khan central sorkar puihna, cheng nuai 466 sengin Vety Hospital 8 leh Dispensary 49 an sa.

Sorkar thuchhuahin a tarlan danin, AH& Vety hian NABARD puihna-in Aizawl (Mualpui) leh Serchhip ah Slaughter House an sa mek a, krismas hmaa hawn hman beisei niin Champhai-a Milk Supply Scheme (Chamul) pawh hawn theiha peih a ni tawh bawk.

NLCPR sum cheng nuai 482 sengin Aizawl-ah Ran damdawiin lian (polyclinic hospital) sak an tum mek a, a sak hna hi PWD hnenah an  hlan tawh a ni. Minitry of Agriculture hnuaia Department of Animal Husbandry chuan bawngchaw chin nan cheng nuai 578 a rawn pe a, a thawhkhatna atan cheng nuai 100 a rawn pechhuak tawh a ni.

He sum hmang hian hmun hrang hrang 136 -ah bawng chaw chin a ni dawn a, Thenzawl-ah bawngchaw chinna hectare 100 vel an siam tawh bawk.

RKVY hnuaia cheng nuai 600 sengin Mizoram vawk te chu vawk chi \ha zawka thlak an tum a, Nucleus Farm atan Selesih-ah laboratory sak hna tan mek. PP mode-in Tanhril-ah ar farm an siam mek a, kumtin artui nuai 534 tharchhuah an tum a, thlatin arte 40,000 tharchhuah an tum bawk, hemi atana hman tur hian cheng nuai 739 an nei sa tawh bawk a ni.

AH & vety hian NLUP hnuaiah chhungkaw 9929 hnenah \anpuina pek mek a ni a, kumthar-ah hian chhungkaw 4500 an neih belh an beisei. Haryana leh Punjab bawng an lakluh chu uluk taka zirchiangin, bawng an lakluh zinga 93% chu bawng \ha niin, nitin hnute litre 8-15 sawr theih vek a ni bawk.

Mizoramah ran vulh a pun chak avangin, MPSC kaltlangin vety doctor 6 lakbelh an tum mek a, VFA post ruak 37 awmte pawh hnawhkhah an tum mek niin sorkar thuchhuah chuan a tarlang a ni.