Mizoram Legislative Assembly 6-na session vawi 11-a chu nimin khan zawhfel a ni ta a, ni 13 \hutkhawmah hian dan awmsa siam danglam (amendment) 5 a awm a, heng zingah 4 hi Minister, Zodintluanga putluh a ni.

Heng dan siam danglam te hi Zodintluanga putluh, The Mizoram Local Fund (Accounts & Audit) (First Amendment) Bill, 2012 te; The Mizoram Societies Registration (Amenedment) Bill, 2012 te; The Mizoram (Establishment of Independent Local Body) Ombudsman (Amendment) Bill, 2012 te; The Mizoram Value Added Tax (Amendment) Bill, 2012 te a ni a. Minister Lalsawta putluh The Mizoram Board of School Education (Amendment) Bill, 2012 te a ni. Bill bakah hian House chhunga paper pharh (laying of paper) 10 a awm a, report 4 thehluh niin calling attention motion 3 sawi a ni bawk.

Tun \um session-ah hian eptu lam a\angin private member resolution pahnih, Dr.R.Lalthangliana leh Lalduhoma te putluh chu sawi-ho a ni a, amaherawhchu heng resolution te hi hnawl ve ve a ni.

Budget session a nih angin Finance Minister, H.Liansailova chuan kum 2012-2013 chhunga Mizoram budget, cheng vbc 5176. 25 chu a pharh a, minister hrang hrang te hna chanpuala sum hman tur (demand for grants) pawh sawiho a pass a ni.

Budget chhungah hian Non-Plan-ah cheng  vaibelchhe 2,724.36  dah a ni a, Plan-ah cheng  vaibel-chhe 2,300 dah in, North Eastern  Council  (NEC)  leh  Non-Lapsable  Central Pool of Resources  (NLC-PR) a\anga hmuh tura  ruahman cheng vaibelchhe 40.95 bakah  Centrally Sponsored Scheme  (CSS) a\anga hmuh tur cheng vai -belchhe 110.93 te khung a ni.

--------------

Dan siam danglam te:

Dan siamtu (legislator) an nih anga tun tum session chhunga dam siam danglam 5 zinga 4 hi UD&PA leh taxation changtu Minister, Zodintluanga putluh a ni a, heng dan siam danglam te hawi lam chu hetiang hi a ni;

The Mizoram Value Added Tax (Amendment) Bill, 2012 : Chhiah lakluh dan kalphung mumal zawka kalpui a nih tawh avangin, chhiah petu tur MVAT leh CST hnuaia register dealer zawng zawng ten Permanent Account Number (PAN) card an neih vek theihna tur dan a ni a, hei hi tunlai thiamna thang zelah a pawimawh vang leh Central Board of Director Tax (CBDT) data base-a dah tur a ni. Ministry of Finance-a Revenue department-in a ruahman anga kalpui
theihna tur a ni.

The Mizoram (Establishment of Independent Local Body) Ombudsman (Amendment) Bill, 2012 leh The Mizoram Local Fund (Accounts & Audit) (First Amendment) Bill, 2012 :? He dan siam danglam hnuaiah hian Aizawl Municipal Council hnuaia local council te enkawlna tur a ni a. Local council ten hmasawnna hnathawhna tura an mawhphurhna leh tihtur te, 13th Finance Commission-in a ruahman anga sum kal vel dan uluk leh tha zawka enkawl theihna tur a ni.

The Mizoram Societies Registration (Amenedment) Bill, 2012 : Sorkar hnuaia register pawl hrang hrang te khuahkhirhna dan leh, pawl chhunga buaina avanga pawl kal mumal loh changa sorkar thuneihna pekna dan a ni.

-----------------

Zawhna leh chhanna

Starred Question

Zawhna lut zat                     :410
Zawhna admit                      : 387
Zawhna reject                     : 23
List of bussiness-a dah           : 240
House a chhan                     : 87
Chhan hman loh                   : 153

Unstarred Question

Zawhna lut zat                        :101
Zawhna admit                        : 84
Zawhna reject                       : 17
Starred question atanga leh     : 119