Tripura State-a cheng Hindu tlangval leh Muslim nula inngaizawngte chu chhungte remti lo chungin Mizoram-ah an rawn tlanchhia a. Hmeichhe chhung- te hian police-ah FIR thehlutin, an fanu chu rukbo (kidnap) niin an sawi a.  Mizoram police ten heng mite pahnih hi Aizawl-ah an man a, nimin khan CID ten Tri-pura police te kutah an hlan leh ani.

Mipa hi Ripon Das (23) s/o Gogol Das, Turalsolnon Tripura niin hmei-chhia hi Sumita Begon (17) d/o Amur Gaily, Mu-dirpur, Tripura a ni a, Hindu leh Muslim sakhaw bia an nih avang -in an state chhungah pawh awm ngam lovin Mizoram-ah an tlanchhia a ni.

Tripura police ten FIR an dawn bawhzuiin Mizoram chhungah an rawn chhui lut a. Mizoram police ten Aizawl-ah an man a, zan khat lock-up a hren anih hnuin nimin khan Tripura police ten an haw pui nia thu dawn a ni.