Mamit District chhunga primary a\anga college zirtirtu 39  te an post ngaia dah leh ngiat avangin nimin a\ang khan Mamit khawpui chhunga sorkar school te chu khar a ni a, Higher Secondary School leh Govt. College kal tur te pawh MZP Headquarters, Mamit  te chuan an dang bawk.

Hemi chungchangah hain MZP, Mamit chuan thuchhuah siamin Primary atanga College zirtirtu sawnchhuah te dahlet tura sorkar an ngenna chu sorkar pawhin a hriatsak niin an sawi a, hetih lai hian sorkar chuan Govt Mamit High School-a english zirtirtu chiah, kar khat hnuah dah a tiam nia sawiin, “Hei hian kan mamawh a phuhru lova, sorkara kan demand hi hmuh vek kan duh a, mahse thawklehkhatah chu chu sorkar tan thil harsa tak a ni tih kan hria, chuvangin kan mamawh zualpui : Govt Mamit High School a english teacher & General teacher, Govt Higher Secondary School-a education & history lecturers leh Govt Mamit College – Mizo lecturer te hi min phuhruk sak chuan school khar chhunzawm zel hi ngai kan ti lo,” an ti.

Zirtirtu dahletna tura MZP hmalak na hi Mamit khawpui chhunga tlawmngai pawl hrang hrangte leh party te chuan an thlawp thu an puang tawh bawk.

School khar hian August ni 8 thleng a awh dawn a ni.