Sports Promotional Fund hi tlahniam mahse, Sports Association te sum hmuh tur erawh a ngai reng ang : Zodintluanga

Kum 2012-13 chhunga sports promotional fund chu kum hmasa aiin 50.52% velin a tlahniam a. Sports & Youth Services Minister, Zodintluanga chuan kum 2012-2013 ah hian sports promotional fund atan sum dah tlem mahse, Sports Association te sum hmuh erawh a ngai reng dawn niin a sawi.

Nimin session-ah Lalthansanga zawhna chhangin Zodintluanga chuan, sports promotional funs atan hian kum 2010-2011 khan cheng nuai 437 dah niin 2011-2012 khan cheng nuai 429 dah a nih thu a sawi a. Kum 2012-2013-ah erawh chuan cheng nuai 285 chauh dah a nih thu sawiin, ‘Foreign coach rawihna tura pawisa dah a ngaih tawh loh vangin sum hi a tlem ta a, mahse sports association te sum hmuh tur erawh a kiam dawn chuang lo a ni,’ a ti.

Sports Minister chuan infrastructure atan kum 2010-2011 khan cheng nuai 380 dan niin 2011-2012 khan cheng nuai 851.56 dah a nih thu a sawi bawk.

Zawhbelhna chhangin sports minister chuan, Republic vengthlanga Hawla Indoor Stadium sak zawh nan leh a hmunhma cheibawlna atan DoNER-ah cheng vbc 3 dil leh mek a nih thu a sawi a. He sum hi hmuh ngei beisei a nih thu leh he sum hmang hian mawihnai leh changtlung taka chei a nih tur thu a sawi a. Republic field chu \ha zawka chei tum mek a nih thu leh Special Plan Assistance (SPA) sum hmangin pavillion pawh sak tum a nih thu a sawi bawk a ni.