Assembly budget session hma -sa, March 2012-a neiah khan MLA te zawhna chu department pali in an chhang lo niin Parliamentary Affairs Minister, Lalsawta chuan a sawi.

K.Liantlinga zawhna chhangin Lalsawta chuan, zawhna chhang lo te hi Power & Electricity, Planning & Programme Implementation, Industries leh Home department te an nih thu a sawi a. Industries department-in zawhna an chhanna chu a chhah lutuk avangin, an peih fel hnu-ah Assembly lamin an pawm thei tawh lo tih a sawi a; Planning chuan an chhanna chu department zawng zawng zawhkual a ngaih avangin a hunah an peih hman lova, Home department zawhna chu Minister-a file a thlen hmain Parliamentary secretary-in file a kawl rei lutuk vang a nih thu a sawi bawk.

Speaker R.Romawia chuan session chu thla khat hma lama koh lawk a nih laiin, MLA?ten zawhna an zawt tlai \hin lutuk chuan harsatna a siam thu a sawi a. Office kalphung muan avanga zawhna chhan hman loh te pawh a awm nia sawiin, “Zawhna chhanna a chhah avanga chhan hman loh hi chhuanlam a tling lo a ni,” a ti bawk.