August ni 14, 2012 a\ang-in Mizoramah mi 6 chuan theihna helicopter chu a service \an dawn ta a, khaw 9-ah servive-in a chuan man chu minute khatah Rs. 50 a ni ang.

Helicopter Service hi Pawan Hans Helicopter Ltd enkawlna hnuaia kalpui tur a ni a. Helicopter service tur hi ‘Dauphin Helicopter’, mi 6 chuanna tur chi a ni. A chuan man hi Meghalaya a an kalpui ang zulzuiin minute 1 ah Rs. 50 a ni ang.

Tunah hian a thlawhna tur kalkawng (route) 9 ruahmanin, Aizawl Thuampui Helipad chu a hmunpui ber tur, “Main Operational Hub’ a ni ang. Heta tang hian Saiha (50 minutes), Lawng-tlai (50), Champhai (25), Khaw-zawl (20), Lunglei (30), Kamla -nagar (45), Hnahthial (30), Serchhip (17) leh Kolasib (15) ah te ser-vice thin tura ruahman a ni.

Kar khatah ni 6, Pathianni tiam lova service thei tura tih, Helicopter service hi August ni 14-ah hawn a ni ang a, August ni 16 a\angin mipuite chhawr theih tura ruahman a ni.

Ticket hi DC office-ah lei theih a ni ang a, helipad-ah lo endik leh thin a ni ang.Himna (Safety) lam ngaih pawimawh ber anih avang-in, helipad tinah security duty leh fire service inring reng tura tih an ni a. Deputy Commissioners te chu a \ul apianga hman atan helipad bulhnai ah inte, ‘temporary wai-ting shed’ buatsaih tura hriattir an ni bawk a ni.

Helicopter hi mahni puala hire emaw chartered theih tura rua-hmanna siam a ni a, darkar khat thlawh manah Rs. 70,000/- a ni ang a, minute 45 chhung a thlawn -in a nghak thei ang a, chumi piah lamah chuan minute 30 dan zelah innghah man Rs. 10,000/- chawi a ngai tawh thung dawn a ni.

Helicopter service tur chung-changah hian nimin khan Chief Minister, Lal Thanhawla hovin Aviation lam hotute an \hukhawm a. Meeting chuan August ni 14 chawhma dar 10-ah Thuampui Helipad-ah hawn an rawt a. Heta \ang hian Lungleiah a thlawk ang a, Lunglei Kawmzawl Helipad-ah hian a hmuahna inkhawm tawi buatsaih a ni bawk ang. heta \ang  Aizawl Thuampui helipad-ah alo kir leh ang a; a thlawh hnihna atan Thuampui helipad atang bawk hian Champhaiah thlawk lehin, Aizawlah lokir leh tura rua-hman a ni.

----------------

Helicopter service tir hi ‘Douphin’ niin mi 6 a chuan theih

A chuan man hi minute khatah
Rs. 50 zel a a ni ang

A senso 75% hi Ministry of Home Affairs tum tur a ni a, a bak hi state sorkar tum ve tur a ni

Mizoram khaw 9-ah a service ang

Helicopter hi ‘hire’ theih a ni dawn a, darkar khatah Rs. 70,000 a ni ang