Chief Minister, Lal Thanhawla chuan sorkar sum a pung awma lo dah mai \hin te leh chiahpuama lo chiah mai thinte ven nan, department hrang hrang sum te chu K Deposit a dahsak thin an nih thu Assembly House a hrilh.

Nimin-a Assembly Session-ah he thu hi sawiin Chief Minsiter chuan, eirukna laka fihlim sorkar din turin ven tur a tam thu leh department ten pawisa tam tak an kawl thin chu thil dik lo hringtu a nih thu a sawi a. “Cashier \hen-khat, a pung awma department pawisa lo pukchhuah tir mai \hin -te leh chiahpuam-a lo chiah mai \hinte venna tha ber chu K Deposit a dah hi a ni,” a ti.

Department te chuan an sum K Deposit-a dahte chu an mamawh hunah an lachhuak thei tih sawiin, engmah harsatna a thlen loh thu a sawi a. Treasury a\anga mahni thawh rah ngawih ngawih lachhuak tur mi thenkhat harsat -na tawk an awm \hin tih pawh sawiin, chung mite lak a\anga thamna pawisa lo phuttute chu man chhuak turin thang kam a nih tur thu leh thamna pawisa an phut ang chu pek tirin a pawisa note number chhinchhiah a nih tur thu a sawi a, “Manchhuahte chu hrem an ni ang,” a ti.

Eptu member Dr.R Lalthang-liana zawhna chhangin, Finance Minister, H Liansailova chuan July ni 17 thleng khan K Deposit -ah sorkar sum cheng vbc 440.47 dah a nih thu a sawi a. Hengte hi Department hrang hrang sum, Aizawl South Treasury-ah cheng vbc 317.94  leh Aizawl North Trea-sury-ah cheng vbc 122.52 a awm thu a sawi bawk.

Zawhbelhna dangte chhangin Finance Minister chuan, K Deposit a sum dah chu thil thar a nih loh thu leh department ten project bul an tan dawnin, pawisa an hmuh tawh hnu-ah hna thawh \an mai theih loh chang a awm tih sawiin, “Chungte chu department-in a kawl reng a remchang lova, K Deposit a dahsak chu a remchang ber a, hna an thawh tak tak dawnah dilna siamin an la chhuak leh mai thin a ni,” a ti.

Finance Minister chuan heng K Deposit-a sum dahte lachhuak tur hian department tan pawisa sen ngai engmah a awm loh thu a sawi a, chutianga pawisa lo phut hnathawktu an awm a nih chuan hriat chhuah an nih veleh na taka hrem an nih tur thu a sawi bawk. Hetihrual hian sorkar sum din-hmun a zirin engemaw hun bikah chuan department te pawisa lak-chhuah tur zat chu an dil zat aia tlem deuh lak tir zauh changte pawh a awm ve thin niin a sawi bawk a ni.