GSDP 20.91% atangin 7.80%-ah a tlahniam

Mizoram ei leh bar (economy) chu a tlahniam nasa hle niin comp -troller & Auditor General of India (CAG) chuan an sawi a. Kum 2009-2010-ah khan Mizoram  sum thawhchhuah, Gross State Domestic Product (GSDP) chu 20.91 %-a a \han laiin, 2010-2011-ah chuan 7.80% chauhin a \hang niin an sawi.

Mizoram-a Principal Accountant General, Mizoram Lalram-thanga Tochhawng chuan tun- hnaia Assembly House-a pharh tak,  Comptroller and Auditor General of India Report  chungchang chu nimin khan press mite hnen-ah a sawifiah a. Kum 2009-2010 khan Mizoram sum lakluh chu cheng vbc 2,963.51 a nih laiin, 2010-2011 khan cheng vbc 2,855. 37-ah a tlahniam tih a sawi a. Hei hi a chhan chu central sorkar a\anga \anpuina (grants-in aid) hmuh \hin, cheng vbc 208.34 laia a tlakhniam vang a nih thu a sawi bawk.

CAG chuan kum 2010-11 hian Mizoram leiba (Fiscal Liabilities) chu sum thawhchhuah (Revenue Receipt) aiin a let 1.57 laia a tam thu  thu sawiin, hemi kum tawpa State thil neih hlutna aiin a let 16.22  a tlin thu an sawi bawk.

Mizoram leiba rulh dan din-hmun chu a hma aiin dinhmun \ha lo zawka a awm thu leh, tun dinhmun enin hun lokal leh zel turah Mizoram chu sum dinhmun chhe zawka lut maitheiah a awm thu an tarlang bawk a ni.

Perforance Report :

Education department-ah zirtirtu lak dan mumal (norms) engmah a awm loh avangin, primary school-ah
zirtirtu mamawh aia 2,883 tam leh upper primary-ah 4,625 a tam an awm.

Naupang lehkha zir lo te ten lehkha a zir theihna tura sum ruahman, cheng vbc 14.95 chu Education
Volunteer te hlawh atan hman a ni.

Lawngtlai district SSA te chuan SSA dan zawm mumal lovin hna an thawk a, Lai Autonomous District Council-ah ziritutu, chawchhum leh hnadang thawk te lak dan a dik lo

Lunglei district-in naupang te zirna pui tur hmanrua, child friendly
elements  leina atana cheng nuai 77.83 hmanna a mumal lo hle. SSA sum tam tak hman pen (divert) a ni.

---------

Public health Engineering-in Central excise duty an pek loh vangin
Galvanized Iron Pipes lei nan cheng vbc 1.92 an sen belh.

Bungraw hmanna tur sawi mumal awm lova leina atan cheng vbc 2.94 an hmang.

An division paruk ten tui bill atanga an sum hmuh, cheng  vbc 20.06 chu a hun taka an thehlut mai lova, hei hian sum hman dik loh (misappropriation) a ti awlsam hle

Tui bill kalphung enkawl uluk tawk loh vangin cheng vbc 5.34 an hloh

Tender chhuah lo leh dan zawm lovin bungrua, cheng vbc 68.54 man an lei

--------

General Administration Department hnuai-ah Sinlung Hills development Ciuncil ten  hna an thawh hmain, treasury bill lem hmangin cheng vbc 1.75 an lachhuak.

-----

AH&Vety-in department record an vawn that loh avangin cheng nuai 57 an seng thlawn

--------

Health department-in Civil Hospital, Aizawl tihchangtlunna tur sum, cheng vbc 10 atangin vbc 8.12 chu hmun dangah an hmang a,  nuai 54 hmanna chu a awihawm lo hle

------------

Horticulture department-in cheng nuai  1.06 senga  Warehouse cum cold storage an siam chu hman tangkai a ni lo

--------

Taxation, Power & electricity-a sum hman dan dik lo tam tak pawh CAG hian an report-ah an tarlang
bawk a ni.