School 48 te provincialised vangin sum sen belh awm lo

Kum 2008-a school 337 te an dinhmun aia sanga dah (upgrade) an nih avangin sorkar-in thlatin Rs. 4,41,99,366 (nuai 441) a seng niin Education Minister, Lalsawta chuan a sawi.

Ziaka chhan chi (unstarred question), TT.Zothansanga zawh-na chhangin Education Minister chuan, kum 2008 khan school 48 chu provincialised an ni a, school 206 chi Adhoc GIA-ah hlankai niin school 83 chu Lump sum GIA-ah hlankai an ni tih a sawi a. School 48 provincialise tan te tan hian thlatin Rs. 88,82,992 (nuai  88.82) hman a ni a, school 206 Adhoc GIA -a hlankai te tan hian thlatin Rs. 2,56,26,374 (nuai  256.26) hman niin, school 83 lump sum GIA atan hian kum khatah Rs. 96,90,000 (nuai 96.90) hman a nih thu a sawi bawk.

He chhanna a\anga a lan dan-in, school 48 te hi a hmaa deficit-a awm tho an nih avangin, provincialiased hnu hian sum sen belh a awm chuang lo anga ngaih theih an nih thu tarlan a ni a. Lumps Sum GIA 83 zingah school 5 an tawp tawh avangin school 78 chauh an ni tawh niin a tarlang.

Heng school 337 te upgrade nan hian  cabinet chuan vawi 8 zet a ngaihtuah niin tarlan a ni bawk a ni.