Mizoram Judicial Service Association (MJS)  chuan sorkar-a Principal Legal Adviser, P.Chakraborty chunga MZP thiltih dan chu an dem thu leh ngaihdam dil an phut thu thu -chhuah siamin an sawi.

MJS chuan sorkar hnathawkte chu an pisa (office)-a mipui tana an thawh (official duty) laia tihbuai chu Indian Penal Code (IPC) hnuaia section 186-in an khap thu an sawi a. ‘Khatianga dan kalha sorkar zirlaite an  che kha an titurah kan ngai thei lova, india ram mipuite ro inrelna (indian democratic polity) khalh leh ram danin zalenna MZP te a pek baka mipui zahlo taka mausamna-ah kan ngai a ni,” an ti.

P.Chakraborty chuan rawih nawn a nih chungchangah engti kawng zawng maha MZP te pawi a sawi an hriat loh thu an tarlang a. Dik lo leh tham lo taka khatianga thil an ti kha a finthlak loh thu sawiin, tunhnua-ah chuan hetiang thil hi thleng tawh lo se an duh thu sawiin, “MZP te hian Pu P.Chakraborty hnenah a mimal chunga an pawimkhawihna-ah leh mipui pisa (public office) an tihbawrh -ban/suasam avangin ngaihdam an dil hi kan phut bawk a ni,” an ti.

Mizoram Law Secretary hlui, a pension hnu-a Principal Legal Adviser atana ruat, P.Chakraborty chu zah lo takin MZP te hian an luhkhung nia sawiin, hetih lai hian Law secretary, P.Singthanga’n ban phara remna thu a sawi pawh ngaithla duh lova thil an ti chu an dem thu MJS chuan an thu -chhuahah an tarlang a, “Mizoram sorkar hnuaiah ngei pension tawh hnua rawihnawn leh midang awm ve mek te ang ni lova, thleibik nei taka MZP re rawva taka chetna kha uchuak kan ti hle,” an ti bawk.