Mizoram Home department chuan kum 2008 a\anga 2012 chhunga silai an man 261 zinga 13 chu mimal hnenah an  pechhuak niin Home Minister, R.Lalzirliana chuan Assembly House a hrilh.

K.Liantlinga zawhna chhangin R.Lalzirliana chuan, kum 2008 a\anga 2012 chhung khan Mizoram police te chuan silai chi hrang hrang 261 leh a mu 6254 an man tawh niin a sawi a, heng an silai man zinga 13 te chu mimal hnenah an pechhuak tih a sawi.

Kum 2008 khan DBBL silai chu a neitu K.Hraro hnenah pek a ni a, SBBL silai chu a neitu Lal-thuneia, Kolasib hnenah pek niin .32 pistol chu PAMRA president, Zorampara hnenah ‘Zimmanama’ a pekchhuah a ni.

Kum 2009 khan SBBL silai chu S.Chhada hnenah pek a ni a, .32 pistol pathum chu Dy. SP, Thangkanglova hnenah ‘Zimma-nama’ a pek a ni a, pakhat chu first class magistrate thutlukna-in a neitu hnenah pek a ni.

.22 rifles pakhat chu a neitu Lalchhuanawma, Zemabawk hnenah pek a ni a, 9mm pistol pawh Lalhriatpuia, Ramhlun North a mi hnenah khultir a ni.

Kum 2010 khan DBBL silai pakhat chu a neitu J.Tlaidy hnen-ah pek a ni a, SBBL silai pali chu a neitute hnenah \heuh pek leh an ni bawk a ni.