Sorkar leiba 82.3% atangin 54.4%-ah tihhniam beisei

Finance Minister H.Liansai-lova chuan Mizoram sorkar leiba (liability) chu Gross State Domestic Product (GSDP) a\anga 82.3% aia sang mah tur anih laiin, kumin -ah erawh chuan he leiba hi 54.40 % vela a tlakhniam theih an beisei thu a sawi a. Leiba tihhniam anih theihna tura sorkar a inhrek nasat thu leh tunhmaa leiba a sanna chhan chu, loan lak rulh theih loh a tam vang niin a sawi.

Finance Minister-in July ni 16-a budget a pharh takah khan Mizoram sorkar leiba chu Rs. 43,62, 31,00,000  (vbc 4362.31) a nih thu a sawi a. He leiba hi Mizoram Gross State Domestic Product (GSDP) a\anga chhuta 54.40% a nih thu a sawi bawk.

Assembly Session  neih mekah eptu member Dr.R Lalthangliana zawhna chhangin Finance Minister chuan,  kum 2012-2013 Annual Plan sum, cheng Vbc 2300 zingah state sorkar-in a tum ve tur (state share) chu cheng  Vbc 70.15 anih thu leh hnathawhna atan chuan cheng Vbc 1412.41 dah a nih thu a sawi.

Dr. R.Lalthangliana chuan zawhbelhna siamin, Mizoram Annual Plan Vbc 2300 a\ang hian hnathawhna tur chu Vbc 900 vel chauh a ni dawn nia a hriat thu a sawi a. “Budget a pun tam hian leiba kan inhnutchhiah tam lo thei lo a, leiba hi engtika rulh zawh nge in tum, budget-ah hian hlawh pek anih chuan induhtawk mai a ni em? tih a zawhna chu Planning changtu Minister, H.Liansailova chuan sorkar leiba chu 102% te anih laiin Chief Minister, Lal Than -hawla’n Finance a chan lai khan 90% ah a tlak thlak thu a sawi a. Outstanding Liability hi a tla-hniam hret hret tih sawiin, “Hetiang kan nih theihna chhan hi budget management-ah kan in-hrek vang a ni. Pension sang chho zel tur pawh tunah chuan 1.23% in kan tihniam dawn a, Outstanding Liability tlahniam chho zel avang hian 2014-15 ah chuan Central-in min phut ang fiscal correction part-ah kan inkhung thei tep ani,” a ti.

Chief Minister Lal Than-hawla’n “Sorkar hnathawk hlawh hi chu pek tur” a tih angin budget -ah chuan sorkar hnathawk hlawh ngaih pawimawh a nih thu a sawi a. Tuna hnathawhna (works) tia tarlan zingah pawh hian MR, Workcharge leh Contract ho hlawh tur a la awm tho niin an sawi.

Zawhbelhna chhangin Finance Minister chuan, Fiscal Responsibility and Budget Management dan pawm a nih tawh avangin hemi  hmang  hian  Mizoram  leiba  chu thunun tuma theihtawp chhuah  a  nih thu a sawi a. Leiba  (outstanding  liability) pawh a tla-hniam hret hret niin a  sawi  bawk a, ADB (Asian Development Bank) \anga  pung tlem chi  loan hmanga  vawm hlum chhoh zel a nih thu sawiin, “Pension atana sum hman thin pawh ruahmanna thar hman  atangin a sang lam hlira kal chu a tlahniam zawngin a kal  tawh a ni,” a ti bawk.