Delhi-a cham mek Chief Minister, Lal Thanhawla chuan helicopter service company, Pawan Hans  Chief Managing Director hmu-in Mizoramah August ni 15 hma ngeia Helicopter service \an tum a nih thu a sawipui a, Pawan Hans chuan englai pawha an inpeih thu alo hrilh niin nimina sorkar thuchhuah chuan a tarlang.

India President 13-na ni tura Pranab Mukherjee lakluhna  a tel Lal Thanhawla chuan remchang lain, Union Minister \henkhat te a kawm hlawm a. Union Tourism, Minister Subodh Kant Sahay nen Thenzawla Golf Course tur buaipui mek chu sawipuiin, lo enzui a tiam a. Health Minister, Gulam Nabi Azad pawh hmuin, MBBS seat allotment chungchang sawipuiin, lo enzui a tiam bawk.

Lal Thanhawla chuan Punjab Chief Minister, Parkash Singh Badal-a pawh hmuin, tunhnaia Capt. Melody  Lalengmawii thih chungchanga enquiry uluk taka la tura alo ngen tawhna chu sawipuiin, Badal-a chuan lo tih ngei tur thu a hrilh a ni.

Chief  Minister hian nizan khan Defence Minister, A.K. Anto-ny a hmu leh a, Mizorama Helicopter  service  chungchang a sawi- pui leh bawk a ni.