Thenzawl Joint VC leh tlawmngai pawl Joint Committee chuan, Thenzawla NIT (national Institute of Technology) dah tura ruahmanna thui tak kalpui tawh, Lengpuia sawn leh tumna chu pawi an tih thu sawiin, an ram pek tawh vantlang ram tana laklet leh an rawt.

Thenzawl West VC President, Vanlalzawna kaihhruai, Joint VC leh tlawmngai pawl hrang hrang aiawhte \hukhawm chuan, Thenzawl hmuna NIT dah tura rua-hmanna thui tak kalpui tawh leh NIT hmun tura ram te pawh enfela pek fel vek anih tawh hnu a, Lengpuia sawn a ni leh ta chu rilru nat thlak an tih thu an sawi a. Thenzawl mipuite chuan sorkar thuawihin a hmun tur chung-changah harsatna engmah an siam lova, mimal ram neite pawh -in compensation pakhat mah phut lovin phal takin sorkar tan an ram an pe a, YMA branch hrang hrang te pawhin hnatlangin a hmunte pawh an lo sam fai tawh a, hetiang rilru inhawng taka Thenzawl mipuiten an thlir laia chhuanlam eng eng emaw siama hmun danga NIT dah tura sorkar-in thutlukna a siam san leh ta chu inhmuhsitna ang hiala an ngaih thu an sawi a ni.

Thenzawl khuaa Joint VC leh tlawmngai pawl aiawhte \hu-khawm hian, ram an pek chhan ber NIT an neih theih dawn tak  lohvah chuan, NIT hmun tur atana ram an lo pek, VC pass pawh tihfel vek tawh leh Land Lease buaipui mek tawh chu van-tlang ram tana lak let leh ngei nise, ram nei let leh tur hian a tul ang zela lungrual taka hmalak chhunzawm zel nise tiin thutlukna an siam a ni.