MPSC Result tihchhuah hi a dik tak a ni : H.Liansailova

Mizoram Public Service Commission (MPSC)-in Mizoram  Civil Service Combined Competitive Preliminary Exam vawi  khat-na buatsaih tak chu a phuailuai hle niin eptu MLA, PP Thawlla chuan a sawi a. “Exam te court an kal hma in, prelims exam zawng zawng te mains exam phal ni se, hei hi a theih  loh pawhin prelims hi exam that leh ni se,” a ti. 

Assembly session kal lai mek-ah nimin khan Calling Attention Motion hun hmangin PP Thawla chuan, tunhnaia MPSC in Combined Competitive Examination vawikhatna a buatsaiha thil fel tawk lo awm nia a hriatte a sawi chhuak a. PP Thawla tarlan dan chuan, exam hi June ni 28, 2012 khan buatsaih a ni a, July ni 2 ah answer key tihchhuah a ni a, July ni 5 thleng complaint hun hawn a ni. July ni 11-ah final answer key tarchhuah a ni leh a, a hmasa a mi answer tihdanglam a ni.

 Hemi zinga 4 chu exam zawng zawngte hnenah mark pek vek tura tih a ni a, a dang 7 chu answer tihdanglam a ni thung a, answer key tarchhuah hmasak zinga 11 lai tihdanglam a ni chuan mi tam tak result a ti danglam vek thei tih PP Thawla chuan a sawi a, July ni 11 ah prelims a\anga tling tur post khat atan mi 6 (1:6) tih chu post khat atan 10 (1:10) ah siam\hat a ni a, result chhuah hmaa tling tur zat siam fel si, result tarchhuaha tling tur zat tihdanglam chawp leh chu thil fel lo tak a nih thu a sawi.

 July ni 12-a result tihchhuah-ah mi 249 te tlinga puan an ni a, July ni 18-ah result chu siam\hat leh a ni a, 249 zinga mi 5 paih lehin midang 6 tih tlin thar leh an ni. Hemi chungchangah hian a chhan leh vang engmah tarlan a awm lova, hetiang thil fel lo chi hrang hrangte hian MPSC hming \ha viau chu a tichhe \an ta tih sawiin, MPSC chu inenfiah tura a duh thu leh a changtu Minister chuan exam \hat leh a nih theihna turin hma la se a duh thu PP Thawla chuan a sawi.

 Speaker sawmna angin DP & AR Minister, H.Liansailova chuan hemi chungchang hi a sawifiah a. Combined Competitive Examination tum khatna buatsaih tur hian MPSC chuan regulation a siam a,  post pakhat tana lak tur zat ratio ziahlan a nih loh thu leh hei hi MPSC thuneihna a nih thu a sawi a. “UPSC pawhin tihdan nghet an nei hran lova,  a changin post khat atan 10 te a changin 13 te an la \hin. MPSC pawh hian a tirah post khat atan 6 a ti a, \ha zawk an hriat avangin 10 ah a tipung leh ta a ni,” a ti.
 MPSC chuan exam buatsaih danah hian engkim langtlanga kalpui a tum tih Minister chuan a sawi a, hei vang hian aswer key pawh website ah phochhuah a nih thu leh sawiselna chi hrang hrang 21 te chu chu uluk taka endik anih hnuah answer key dik nia tarlan zawhna pali te chu a dik tawk lo tih finfiah a nih thu a sawi a. Answer key 7 dang pawh dik zawk a awm tih  finfiah niin, a bak complaint dang 10 te chu thu tling lo a ni tih finfiah a nih thu a sawi bawk.

 Zawhna item 4 dik tawk lo finfiah chu tihdanglam theih anih loh avangin candidate zawng zawng-ah compensatory mark pek tura thutlukna siam a nih thu Minister chuan a sawi a. “Candidate tumah -in an san phah lo a, a heu phah lo a ni,” a ti.

 Final answer key chu July ni 9-ah website-ah phochhuah leh a ni a, sawisel a awm tawh loh avangin OMR (Optical Mark Reader)-ah exam in uluk taka cross check hnuah result chu july ni 12 ah tihchhuah a nih thu H.Liansailova chuan a sawi bawk.

 DP&AR Minister H.Liansai-lova chuan candidate roll number ziak dik lo 11 an awm avangin chhanna endikna khawl, OMR hmanga endikna-ah harsatna a awm thu a sawi a, hei bakah hian hrisellohna avangin Saiha Centre a exam tur pakhatin a centre thlakin, Aizawl-ah a exam a, centre tin ami te roll number indawta awm anih avangin heng thil hian data tabulation-ah nghawng a nei tih sawiin, “A enna khawlah har-satna a awm a,  heng thil diklote hi hmuhchhuah a nih hnuin uluk taka ennawn leh a ni a, MPSC chuan sawiselna pumpelh aiin a nihna ang takin a chhawpchhuak ta niin a sawi.

-------------

PP Thawla

MCS post pakhat chuh thei zat tur hi 6 tih a nih laiin, result chhuah hnu-ah post khat chuh thei zat chu 10-a siam danglam a ni

Answer key dik lo hmuhchhuah a ni

Exam-a tling 249 zingah 5 paih lehin,6 thun luh an ni

Mi 5 paih a, mi 6 tlintir leh chhan hi sawifiah a ni lo

---------------

H.LIANSAILOVA

MCS post pakhat chuh thei zat bituk hi MPSC thuneihna a ni a, UPSC pawhin kalphung nghet nei lovin a tidanglam thin

Answer key dik lo hmuhchhuah hi a dik a, hei vang hian exam zawng zawng te hi ‘compensatory mark’ pek vek an ni.

Roll No dik lo 11 an awm vang leh exam centre thlak an awm avangin data
tabulation a nghawng