Mizorama chhiatna hrang hrang leimin, motor chesual avanga nunna chan  leh a dangte an awm changa Mizoram sorkarin chhawmdawlna, zangnadawmna leh ralna pek dan ruahmanna fel a nei lo hi chu a vanduaithlak an tih thu ZNP chuan thuchhuah siamin an sawi a, chhiat tawk \heuh \heuh ralna a in tam hleih zung -te chu an ngaih thiam loh thu an sawi bawk.

ZNP chuan chhiatna chi hrang hrang tawk te \anpuina turin central sorkar chuan Mizoram hnenah cheng vbc 80.95 a pe tawh tih sawiin, heng sum hi a nihna tur ang taka hmang turin Mizoram sorkar an phut tih an sawi a.  Ministry of Home Affairs (Disaster Management Division) in kum 2010-2015 thlenga hman turin chhiatna chi hrang hrang leh \anpuina pek theih zat tur a ruahman fel vek a, hengte hi state tin Chief Secretary zawng zawng hnenah hriattir tawh a, Mizoram sum dawn ve tur chu cheng vbc 80.95 niin, hemi atanga Mizoram sorkar lo tum ve tur (state share) chu cheng vbc 8.9 a nih thu an tarlang bawk a ni.

--------

Disaster Response Fund

Kum 2010-2011-ah Vbc 8.55  (state share vbc 1.46)
Kum 2011-2012-ah Vbc 8.98  (state share vbc 1.54)
Kum 2012-2013-ah Vbc. 9.43  (state share vbc 0.94)
Kum 2013-2014-ah Vbc 9.90  (state share vbc 0.99)
Kum 2014-2015-ah Vbc 10.4  (state share vbc 1.04)