Pachhunga University College, Zoology department chuan NE Khawdungsei a lui leh Tuirial lui a\angin khaw-vel hmundanga mi ten an la hmelhriat ngai loh sangha chi thar, Glypto-thorax genus hnuaia mi, Glyptothorax scrobiculus (skraw-bi-kiu-las) chu an hmuchhuak a, khawvel hriatah puanzar a ni.

Zoology department-a Asst. Professor, Dr Lalramliana leh a thawh -puite chuan a chanchin leh danglam bikna te kimchang zawk a zirchiang in, Ichthyological Exploration of Freshwaters (peered reviewed International scientific journal)-ah thawnin, khaw- vel hriatah ni July ni 14, 2012  khan puanzar a ni.

Hetiang sangha hi Mizo chuan ‘sarba’ tih a ni a, ‘Ngha laikam’ ti a sawi te pawh an awm. Sangha lian tak an ni lova, a puitling erawh chu cm 20 aia sei te an ni thei. He sangha hi khaw -vel hmundang leh Mizoram luidunga ‘sarba’ dang te laka a danglam bikna chu, a hming put chhan ni bawk Scrobiculus (Latin -khuar/kawr te), a pangparh hmalam hnuai dungzuia khuar/ kawr lian vak lo chhuk thla  a awm hi a ni.

Zoology department HoD, Dr.K.Lalchhandama leh PU College Principal, Dr. Tawnenga te hmalakna-in Zoology department hian ‘Certificate Course on Pisciculture’ a kalpui mek a, Mu -seum changtlung tak nei -in hetah hian he Sangha holotype(sangha zirchian nan a hman ber specimen) pawh dah luh a ni.