PEMCOS dawr-a thil lei lo turin YMA-in mipuite ngen

Tuikual Branch YMA te chuan Central YMA kum puan ‘Ram leh Hnam Humhalh’ bawh-zuina chikhat atan Inrinni khan an veng huam chhunga dan  kalha sumdawng nia an puh, Civil Pensioners’ Multipurpose Co-operative Society Ltd. (PEMCOS) hminga dawr siam chu dawr lo turin mi-puite an ngen.

He dawr neitupa ber chu Hanu -man Singh Yadava ni a, PEMCOS Annual Report (2011-2012) a tarlan dan chuan, he dawr a\anga sum lakluh zawng zawng chu Rs. 1,80,81,790 niin hlep chu Rs.3,60, 302 a ni a, hlep  hi 2% a tling pha lova, an hlep atang hian thawktu hlawh te, tui leh electric bill leh tul dangte paih leh phei chuan PEMCOS dawr hian hlawkna tih tham a nei lo tih a lang a, hemi awmzia chu a phena hlawkna teltu an awm nia an hriat thu YMA te chuan an sawi.

PEMCOS hi Mizoram Civil Pensioners’ Association (MCPA) hnuaia awm ni mahse, MCPA member zawng zawng hi PEMCOS-ah hian member (share holder) an ni vek chuang lova, hruaitu \henkhat leh member sum thawh theite share holder an ni ve chauh niin an sawi.

Aizawl SP, L.R.Dingliana Sailo chuan helai hmunah hian Police dahin an thlithlai reng niin a sawi a, buaina leh harsatna a awm loh thu a  sawi. YMA-te’n mipui hnena dawr lo tura an tih laiin dawr nghaktu leh enkawltu hnamdangte hian an dawr hi an khar niin a sawi bawk.

Hetihlai hian Central YMA hruaitute chuan Mizorama dan kalha hnamdang sumdawng, a bikin Mizo hminga sumdawngte chu dan hmanga an umzui zel tur thu an sawi a. Ram leh hnam hum -halh kum puan tlawh chhanin a \ul anga hmalak chhoh zel an tum thu leh, dan kalha sumdawngte hming pawh sorkara an thehluh tawh thu an sawi a ni.