RecruiTment Rules palzut-ah PRESTA-in sorkar an puh

Pre-Service Teachers’ Association  (PRESTA) chuan tunhnaia SSA hnuaia primary school leh middle school zirtirtu sorkarin a lak zingah training nei aiin a la neilo te duh sak an ni tih an sawi a, hei vang hian an lungawi loh thu leh he hnalak  tawh hi sorkar-in a rang  lamin sut (cancel) leh se an duh tih an sawi.

June ni 6-a SSA hnalak chung -changah PRESTA chuan nimin khan Aizawl Press Club ah thu-thar lakhawmtute kawmin he hna lak danah hian  train chhuak  te dikna leh chanvo palzut a ni tih an sawi a,  Mizoram  sorkar-in   Recruitment Rules duan saah primary school zirtirtu atan pawl12 pass bakah kum hnih, Diploma in Teacher Education (D.T  Ed)  neih tur anih thu leh middle school teacher atan B.A  bakah  D.T Ed emaw B.Ed emaw tih a ni bawk niin an sawi a. Heng RR awm sate hi sorkar hian hmang duh lovin phuahchawp takin zirtirtu tur atana qualification a tidanglam niin an sawi.

Thuthar lakawmtute kawmna hi an pawl President, Jacob Vanlaldinsaka chuan kaihruaiin, hna -lak  chungchang hi an Secretary, R.Lalchhuanliana chuan  a  sawi-fiah a. Post ruak 225-ah  Science  leh  Mathematics zirtirtu an lak zinga 4% chauh trained teacher an ni a, subject danga an lakah pawh trained teacher 5.36% chauh an awm bawk tih a sawi a, hetianga hnalak hi District  Institute of Education & Training  (DIET)  hlutna nei lova siamna a an ngaih thu leh trained  teacher ngaipawimawh  tura  National Council for  Teacher  Education leh Mizoram Education Reforms Commission Report rawt -na nen pawh a in per san nia an hriat thu an sawi a ni.

PRESTA  chuan hemi chung-changah hian Chief  Minister leh Education Minister pawh hmuh an tum thu sawiin, an hna lak sut turin Memorandum  thehluh an tum thu leh tun thla chhunga siam -\hat anih loh chuan dan hmanga hmalak zel an tum thu an sawi.