|
35.29% in Annual Plan a pung, Annual Plan pun tam ber tum a ni
Kum kal mek, 2012-2013 chhunga Mizoram Annual Plan tur chu nimin khan tihfel a ni ta a. Kum hmasaa Annual Plan cheng vaibelchhe 1700 a\anga 35.29% a pungin, kumin hian Annual Plan tur chu cheng vaibelchhe 2300 a ni dawn ta a. Kumin hi Annual Plan punna san ber \um ni a hriat a ni.]
Planning Commission Deputy Chairman, Montek Singh Alluwalia leh Chief Minister, Lal Thanhawla te chuan nimin khan Mizoram Annual Plan hi an tifel a. Hetianga Mizoram Annual Plan a pun chhohna-ah hian, New Land Use Policy (NLUP) avanga buh tharchhuah a pun avang te, Agriculture leh a kaihhnawih thila hmasawnna a awm avangte niin tarlan a ni.
Hetih lai hian thlai ringa industry din (Agro based industry) te, thlai sawngbawl (food processing) te, industry tenau (micro industry) din leh mau hmanga industry din te chu uar deuh deuh nise \haa an hriat thu Chief Minister leh Dy. Chairman te hian an sawi bawk.
Five year plan hmasa chhung khan kawngsial (road transport), kawlphetha (power) leh hriselna (health) lamah hmasawnna nasa tak a awm niin an sawi a. Mizoram-a khua 94.4% te chu kawngpuiin a pawh tawh a, Mizoram khua 61.19% te chu a fura a \hala kal theihna kawng (all weather road) a pawh tawh bawk. Mizoram khua 81.31% chuan electric eng an hmu tawh bawk nia tarlangin, “Kum 2011 chhiarpuiah Mizoram mipui 91.58% te chuan ziak leh chhiar an thiam tawh a, Kerala dawtah a awm a ni,” an ti.
Inkalpawhna (transport), zirna leh hri-selna (education & health) te chu sum thawkchhuak thei zawnga tihlen tum a ni.
Chief Minister Lal Thanhawla chuan, kum 2003-2004 a\ang khan surplus budget kalpui chhoh zel a nih thu leh fiscal deficit pawh 2.4% tihhniam a nih thu a sawi a. Hemi atan hian sorkar chuan power policy thar te, industrial policy thar te, New Land Use Polocy te a kalpui mek niin a sawi bawk a ni.
Chief Minister chuan, central scheme hrang hrangte chu state kalphung mila tihdanglam phalsak turin Planning Commission hi a ngen a, hetianga her danglam a nih chuan central scheme chi hrang hrang leh Centrally Sponsored Scheme te pawh tam zawk an chawkluh theih tur thu a sawi bawk a ni
----------------
FIN. YEAR PLAN %
2003-2004 480 0
2004-2005 616.52 28.44%
2005-2006 685 11.10%
2006-2007 758 10.65%
2007-2008 850 12.13%
2008-2009 1000 17.64%
2009-2010 1250 25%
2010-2011 1500 20%
2011-2012 1700 13.33%
2012-2013 2300 35.29%
-------------------
Kum 10 liam ta chhungin kumin hi Annual Plan pun tam ber tum a ni a, 35.29% in a pung a. A pun tlem ber kum chu 2005-2006 niin, 10.65% chauhin a pung.
Annual Plan pun tam chhan zingah ACA leh SPA atanga tanpuina a tam vang te, Mizoramin thawhchhuah (resource mobilisation) a neih pun tak vang te a ni thei.
Resource punna hi chhiah tihsan chi hrang hrang atanga neih a ni
-----------
Mizoram a chungnung
Hmarchhak state zingah Tripura Plan budget punna chu 15.38% a ni a, Assam chu 16.67% a pungin, Manipur chu 19.03% a pung thung. Nagaland leh Meghalaya Plan Budget tihfel a la ni lova, vawiin hian final beisei a ni. Tun dinhmunah chuan Mizoram Annual Plan punna hi a sang ber a ni.
Annual plan zat chu hetiang hi a ni hlawm, Sikkim cheng vbc 1500; Manipur cheng vbc 3500; Assam cheng vbc 10500; Tripura cheng vbc 2250; Mizoram cheng vbc 2300. State dang te Annual Plan hi final a la ni lo hlawm a, tuna final chinah chuan Mizoram plan chu a pung sang ber a ni.
|
