UD&PA Minister, Zodintluanga chuan central sorkarin Ministry tina an budget 10%, hmarchhak tana a dah chu inthlahrung lova haichhuah thiam a \ul thu a sawi.

 Lumpsum Grant hai-chhuah dan tur chung-chang nimina sorkar mi- pawimawh ten an sawi-khawmna-ah Zodintluanga chuan, “Central sorkar hnuaiah hmar-chhak state te pualin Ministry tin deuh thawin an budget atangin 10 % an serh hrang a. He pawisa hi kan chanpual liau liau a nih avangin a hai-chhuah leh hailuh kawngah tun aia tan kan lak a tul a; kan chanvo dik tak a nih avangin inthla-hrung hauh lova kan chuh thiam a ngai hle a ni,” a ti a. “Department tinte hian kan budget sum neih sa leh central sorkar a\anga kalphung pangngaia pawisa kan dawn \hin ringawt hi kan duh tawk tur a ni lo va ; kan ram leh mipuite tana thil chhenfakawm thawhna turin he 10 % lumpsum grant hi tang-kai taka hmang turin kan rilru leh ngaihtuahna kan tuaithar a ngai a ni,”a ti bawk.

 Meeting-ah hian Parliamentary Secretary, Lalrinmawia Ralte pawh -in fuihna thu sawiin, “Hmarchhak State te zingah NLCPR pawisa haichhuah kawngah kan hnufum deuh niin a lang a ; vawiin atang hian Department tina officer-te i insang mar ang u” a ti bawk.

 He meeting ah hian  Additional Chief Secretary, L. Tochhong te bakah - Home Department te, Rural Development Department te, UD & PA Department te, Fisheries Department te leh Planning Department atangin Senior Officer te kokim takin an tel a ni.