Khawvel pum huapa Vaihlo  leh Vaihlo a\anga  thil siam chhuah  dona ni, World No Tobacco Day chu nimin khan Mizoram hmun hrang  hrangah Vaihlo  \hatloh zia inzirtirna  ni atan hman a ni.

Aizawl-ah chuan Mizoram State  Tobacco  Control  Society (MSTCS)  leh  Indian Society on Tobacco and  Health,  Mizoram Chapter (ISTH(M) huaihawtin Chanmari YMA Hall-ah  hman ni a, Chief Minister Lal Than -hawla’n a hmanpui a; Live It Up  Without  Lighting  Up  Campaign  leh  Blue Ribbon campaign a hawng.

Thusawiin Chief  Minister chuan  vaihloa eizawnna, tobacco industry  chu hlâwkna chauh ngaihthuah \hin,  vaihlo tûr hmanga tui taka ei theiha  an thil siam thehdarha an hralh hian mihringte  hriselna  nasa  taka  a  tichhia a, an huathlalaawm em em a ni,  a ti a. Hetiang thil siam hi addict theih  anih avangin, \halaite tan fimkhur hle a ngai a ni, a ti bawk

Chief Minister chuan Mizote tluka  zuk leh hmuam ti nasa khawvelah an  vâng hlea a rin thu sawiin, ringtu nihnaa hnam hrisel ber tur niawm tak,  hnam hrisel lo ber, cancer vei tamna ber kan ni hi a pawi hle a ni,  a  ti. An sorkar hmasak lai a\ang tawha mei-zial zuk khap an kalpui tawh thu  sawiin, office-ah mei zuk khapin, ashtray-te dahlan phal a ni tawh lova,  tunah chuan Mizoram chu Smoke  free  State-ah an puang ngam tawh a ni, a ti.

Blue Ribbon leh Live It Up Without  Lighting Up Campaign-in a tum  ber chu \halaite vaihlo zuk leh  hmuam telloin a hlim theih tih leh midang meizial zuk khu lo hip luh a  hlauhawm zia hrilh hriat a ni a, heng  thu te hi niminah  ISTH(M)  President  Lal  Riliani  leh MSTCS  State Nodal  Officer cum Project Officer Dr. Jane R. Ralte-te’n kalkhawmte hnenah an sawi a ni.

District khawpui dangah pawh Vaihlo Dona Ni  hi hman a ni a. Lung-lei-ah chuan  Saikuti Hall-ah  Districr Bawrhsap, V.Sapchhunga hovin hman a ni a, mithiamten  zirlaite  leh  sawmbik kalkhawmte hnen ah “Zuk  leh hmuam siamtute chimawmna”  tih thupui hmangin zirtirna an pe. Kumtin Mizoram mipui in zuk leh  hmuam  leina atan  cheng  Vbch   150  leh 200 inkar an senral  ziah \hin thu  leh India ramah nitin zuk leh  hmuam  kaihhnawih natna avanga mi 2200 an thih ziah thu an tarlang a ni.