Kum 2012-13 chhunga Mizoram Annual Plan ruahman tura Mizoram sorkar hotute leh Planning Commission hotute \hut-khawm hun tur atan June ni 6, 2012 ruat a ni.

Sorkar laipui chuan nimin khan Mizoram Chief Secretary, Vanhela Pachuau hnenah plan chungchang sawihona hi June ni 11-a neih tura tih chu June ni 6 a neih tura sawn hnaih a nih thu an hriattir nia thu dawn a ni. Plan chungchang sawi tur hian Chief Minister, Lal Thanhawla chuan Planning Commission Deputy Chairman, Montek Singh Alluwa -hlia bakah Planing member te a hmu ang.

Chief Secretary chuan, plan sum chinfel chungchangah Mizoram a tlai bik lo niin a sawi a, hmarchhak bial state te pawh chinfel a la nih loh avangin, Mizoram plan discussion neih rual hian hmarchhak state dangte pawh nei ve nghal tura tih a nih thu a sawi bawk. Mizoram plan sum hi 40 % vela pung turin State Planning Board chuan a duang a, hetiang zat hian a pung kher ang em tih sawi theih a la ni lo niin Chief Secretary chuan a sawi.

Eptu party lian ber MNF chuan plan chungchang sawifel har a nih chhan chu December ni 26, 2011-a Planning Commission-in Mizoram sorkar a rawn kohna chhan a nih loh vang niin an sawi a. May thla ral lam thlenga Annual Plan chinfel a la ni lo hi an ngaihmawh thu thuchhuah siam-in an tarlang.

Congress sorkar hnua Annual Plan-te a huna bithliah fela Budget Session hun pangngaia pharh a, Demands for Grant-a MLA te’n sawihoa pass a la awm lo ni a sawiin, a lema kumhlui pawisa hmuh anga phuahchawp, House-a Vote on Account-a pass a ni thin chuan department hrang hrang leh sorkar lo inruahmanna tur a tikhaw lo zo a, hmasawnna hnain a tuar \hin niin MNF chuan an thuchhuahah an tarlang bawk a ni.