Tun  hma  a  khawvel  ram  pum  deuhthaw  a  chanchintha  theh  darhtu  leh  missionary  tir
chhuaktu United Kingdom  a Kohhrante  chu  kum  zabi 19 na  lai hawl  vel  atang  khan nasa
takin an tla hniam a. Sakhaw dangin ram an la nasa hle. Then khat sawi danah chuan Muslim
hote chuan “UK a Kristian Biakin ruak zawng zawng hi Mosolman Biak  inah kan  let dawn”
an ti e, an ti a. Tun hnai maiah keima mit ngeia Birmingham-ah Kristian Biakin ruak pahnih
Muslim  ten an Mosque atan an  lei kan hmuh meuh chuan he  thil hi  tak  tak pawh a  lo nih
dawn awm hi maw ka  ti ve hial. Tun hnai maia BBC  in British Home Secretary  Jack Smith
Europe rama Muslim pun dan interview an neih a a sawi dan chuan “Kum 2001 atang khan
kum  tinin  British mi  50,000  vel  chu  Islam  Sakhua  ah  an  inlet  a.  Tunah  hian  Britain  ah
Muslim nuai 20 chuang an awm tawh” tiin a sawi.

United Kingdom ah Kristianna nasa  taka a  tlak chhiat avangin Biakin  tam  tak  luahtu awm
lovin  khar  a  ni. Nikum  July  2011  khan Wales  ramah  ni  20  chawnghei  tawngtai  kan  huai
hawt  a,  Llanelli  (Thlanethli)  kum  1904  a Wales  harhtharna  thlenna  bul  khaw  chhunga
Biakin 16 vel kan fang kual a, chuta Biakin 10 chuang chu a ruak (luahtu awm tawhlo) an ni.
British Parliament a Kohhran Biakin khar zat sawifiah tura zawhna British Government in a
chhanna a ziah ang chuan kum 10 kal ta (1998-2008) chhung khan UK a Church of England
(Anglican) Biakin 260 chu hman mumal  lohvin a  ruak a. Kum 2007 chhung ringawt pawh
khan Kohhran Biakin 29 ngawt chu luahtu awm lovin khar a ni.

Kum 1982 hnu lamah pawh hian Kohhran hian than lam a hnehin tlak hniam lam a pan zel
a. Kum zabi 20 na chhunga Wales ram Kohhran tlak hniam nasat dan John B Hilling a ziah
dan phei chuan Wales ram pum puiah kar tin Biak in pakhat khar zel ang a ni. 
Hetiang  taka  thlarauva  min  hringtu  ramah  Lal  Isua  phatsantu  an  pun  zel  a,  Lalpa
hmangaihte  an  ral mek  lai  hian  an mahni  pui  turin  thlarauva  an  fa  hrinte  (tu  leh  fate)
khawvel ram hrang hrang atangin Lalpan UK a missionary hna thawk turin a ko  lut mek a.
Tunah  hian  hetianga  ramdang  atanga  missionary  te  thawh  theih  nana  hma  hmalatu
NATIONS  (International  Mission  Organization)  chuan  Mizo  ten  Wales  le  England  a
missionary hna kan  thawhve    theihna  tur kawng pawh an  zawng  a. October 2012  atanga
Mizo missionary 10 lai mai England leh Wales a thawh theina turin engkim peih fel a ni ta.
Wales rama thawhna tur hi Llanelli, kum 1904 a Wales rama harhtharna thlenna bul ah a ni
dawn a, England ramah chuan Wellingborough, William Carey a pianna bul ah thawh tan ani
dawn a ni.

UK Missionary thawn chhuaktu ram ten missionary an mamawh let ve ta.  He kohna chhang
tur hian Zofate zingah Lalpan a tana tuar ngam, a tana chan ngam, a tana muapho ngam a
zawng mek a, kohna hi engtinnge kan chhan dawn  le? He rawngbawlna atan hian thiamna
lam (educational qualification) leh rawngbawlna lo thawh tawh (experiences) bi tuk siam a
ni lo. Lalpa tana kohna dawngtu tupawhin dil theih a ni ang.  June 2012 chhungin Aizawlah
interview neih a ni dawn a. England leh Wales rama Lalpa tana missionary hna thawk tura 
kohna dawng  leh  inpete chuan an address kimchang, chanchin tlangpui (curriculum vitae)
leh  Lapa  kohna  an  dawn  dan  kimchang  ziakin,  mahni  lawina  kohhran  secretary  emaw
pastor  hriatpuina  (recommendation)  thil  telin  heng  a  hnuaia  address  ah  hian  dilna May
2012 aia tlai lovah theh luh theih a ni e. 
1.  Set Free Ministry Office: Chanmari, Aizawl, Mizoram. 
2.  ZEF Office: Chanmari, Aizawl, Mizoram 
3.  Faith Ministries Office: Dawrpui, Aizawl, Mizoram. 
4.  Thlarau Bo Zawngtute (TBZ) Office: Dawrpui, Aizawl, Mizoram

(chhuahchhawng duh tan source tarlan a tul ang)