logo

Tuesday 21st of May 2013

Visitors Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday167
mod_vvisit_counterYesterday522
mod_vvisit_counterThis week689
mod_vvisit_counterLast week3737
mod_vvisit_counterThis month10278
mod_vvisit_counterLast month15624
mod_vvisit_counterAll days646488

Home Editorial Zirtirtute Ni leh zirtirtute
Zirtirtute Ni leh zirtirtute
Sunday, 04 September 2011 18:17
Vawiin hi India ram pumah zirtirtute ni (Teachers' Day) a ni a. Mizorama school leh zirna in hrang hrangah pawh zirtirtute ni hi lawm a ni dawn a, zirlai naupangten an zirtirtute chawimawina hunah an hmang leh dawn a ni. Mizoram Collage Teachers Association chuan sorkara an thil phut tih hlawhtlin la ni lote nawr nan Teachers day hi 'Demand day' ah hmangin badge dum an bel dawn a ni.

    Zirtirtute ni hi kum tin kan hmang thin a, he tih lai hian a hming tumtu ber zirtirtute hian an ngai pawimawh lo ber emaw tih mai theih nite pawhin alang a, kum dangah pawh lungawi lohna lantir nante pawh an lo hmang tawh thin a, tunah pawh College zirtirtute chuan badge dum nen sorkara an thil phut nawrna ni atan an hmang ve leh dawn a ni.

    YMA day, MHIP day, MUP day etc kan nei a, hengte hi a day neituten programme siamin theih tawpin an lawm thin a, a phusa leh a tul zawng zawng buaipui pawh an mawhphurhah an la thin a ni. Zirtirtute ni erawh hi chu naupang hian programme hi siam ta lo se a Ni neitu ber zirtirtute hi chu an hawi thaw reng dawn ni maiin alang. Pawl dangte hian sorkarah thil phut eng emaw nei ta se an day bawhbuai leh tibuai thei hi chuan programme hi an siam duh kher lo maithei a ni. Zirtirtute erawh chuan an day chu lungawi lohna lantir nan leh demand day atante an hmang tlat a ni.
    Zirtirtute ni pawh hi zirtirtute hian naupang programme siama innghat ngawt lo hian zirtirtu an nih angin mi dangte tana thil tha tihna ni emaw, an zirtirna kawnga infuih thar lehna ni emaw, eng emaw zirho nante hmangin thil dang bawh buaitu awm thei lakah pawh humhalh tlat sela, an day hman tur tibuai a, tisukuk thei thil  chu zirtirtute hian programme siam phal lo awm zawk tak a ni. An zirtirtu pui damlo leh harsate tanpui nan Teachers day-ah thahnemngai takin sum an tuak thin a, mipui pawh hian a tur rengah kan ngai hial tawh niin alang. Sorkar hnathawk pawl dang zingah an tih anga ti hi an awm lo va, thik phakah an ngai lo nge thil tih awmah an ngai ve lo a, an ti ve duh lo tih pawh hi ngaihtuah theih tak a ni awm e.

    Eng pawh ni se zirtirtute ni hi zirtirtuten an ngai ropui tehchiam lo niin alang a, zirtirtu association hrang hrangten an 'Ni' hlawk leh tangkai taka hman dan tur an rel thawm hriat tur pawh hi avang hle. Mi dang kuta innghat ngawt lo hian an Zirtirtute ni hi chu zirtirtute ni a nih ang ngei hian zirtirtute hian an zirtir naupangte tan leh zirtirna an pek zelna tur atana hlawk leh tangkai zawka hman dan ngaihtuah a duhawm khawp mai. Sorkar pawh hian tuna kan tih dan ang ngawt ni lo, puithu leh zahawm zawka Teachers day hman dan tur ruahmanna thar siam hi chu a tha khawpin alang v
 

Copyright @ The Zozam Times.