Mizoram larsap Pu MM Lakhera chuan a term a lo hman zawh tak avangin vawiin hian Mizoram Larsap thar atan Pu Vakkom B.Purushothaman chu lakluh a ni dawn a, Mizo mipuiin Larsap tha tak kan nei ngei ang tih kan beisei a ni.

    India ram state then khatah Larsap leh Chief Minister inmil lo thawmte kan hre thin a, ram hruaitu lu ve ve an inmil tlat loh chuan rorelna tha tak neih pawh thil har tak a ni ang tih a rinawm a ni. Mizoramah erawh chuan vantlang hriat khawpa inmil lohna hi Ministry leh larsap inkarah hriat tur ala awm lo niin alang a, thil lawmawm tak a ni. Sorkar inrelbawlna thil hi politics a nih tlat avangin central sorkar a zirin state hrang hranga Larsapte hian politics rawng eng emaw chu an kai zel a, BJP sorkar lai chuan Mizoramah pawh BJP rim nam kan nei a, Congress an sorkar lai chuan congress mi leh sa kan nei leh mai a. State-ah erawh chuan party hrang hrangin ro an rel ve thung a. Mizoram sorkarna siamtu party pawhin an party mi leh sa ni lo larsap a hrawn changte pawh a awm thin. Heng hunahte hian engmah harsatna leh buaina awm lovin tluang takin kan kal chho zel a, hei hi thil lawmawm a nih mai piah lamah kan larsap lo neih tawhte rilru puiltinna vang kan ti lo thei lo vang.

    Larsap-te hi party rilru pua indah pawh ni mah se, an hna an han chelh atang hi chuan party rilru dah bovin, an tih tur, an mawhphurhna tha takin an ti mai zel niin alang a, hei hi thawhhona tha siamtu  India danpui humhimna leh zahawmna pawimawh tak pawh a ni. Ram hruaitu atana kan thlan tlinte pawh hian he rilru hi an put thiam a pawimawh khawp mai. Party hmanga thlan tlin ni mah se, an hna thawhnaah chuan mipui tana thawk, mipui aiawha thlan tlin an ni tih hi in hre chiang em em sela, party tih lan hun tur leh tih lan loh hun tur tha taka an thliar thiam phawt chuan Mizoramah eng party pawh sorkar se sorkar chhe tak kan nei ngai lo vang.

    Kan larsap kal chhuak ta Pu MM Lakhera pawh a term hmang zo theia a awm hi a lawmpuiawm takzet a, Mizo mipuite nen pawh inpawhna tha tak siamin, NGO hrang hrang lengahte sawmin a ti tipui thin a. Khangte kha sawrkar leh mipui thawhhona atana thil tangkai tak kan ti lo thei lo vang. Kan Larsap kal chhuak tur hi Mizo mipuiin ui tak chungin kan thlah a, Larsap thar lo awm tur pawh duhsakna nen kan lo lawm a ni v