Vawiin khan State Pollution Control Board chuan meeting vawi 44-na an Chairman Er. Dunglena Office-ah an nei a, he meetingah hian hlawkna um lo a Damdawiin din, kohhran ta ang chi chu authorization fee chauh laksak nise an ti.

Hei bakah hian luidung leh tuihna ti bawlhhlawh zawng tuiburthlawr khap a nih tawh avangin khauh taka kenkawh chhungzawm zel nise an ti a, Industry lam pawhin license pe chhunzawm tawh lo tura ngen nise, chutih rualin tui ti bawlhhlawh lo leh mihringte tana hnawksak lo zawnga thlawr dan ngaihtuah nise an ti bawk.

Khawpui chunga ranvulh hnawksak an tih thu sawi chhuakin khawpui chhunga ran vulh chu tihtawp dan zaw nise an ti a, a tul anga dan siamthat leh thuneitute tanpui dan kawng zawn nise an ti bawk.

Polythene hnawk dan sawihovin, India ramin dan a neih lai The Plastic Manufacture, Sale and usage rules, 1999 chu hmang turin DC tin te ngen nise an ti a, a tih hlawhtlinna atan CYMA, MHIP te thawhhopuia ngen ni bawk se an ti. Khawpui chhunga Industry bengchheng leh bawlhhlawh tichhuak nasa tak tak awm te chungchang ennawn tha an tih thu an sawi bawk.