A chhin hawnna: Zep thu a cheng lo. Kan society angah hi chuan 'sex education' hi 'a tha a lawm' han ti ve ngawt thin mahila, a taka hmalakna engmah hmuh tur a awm ngai lo. 'mipat hmeichhiatna' thila a rampum ang pawha kan buai mup mup lai hian tumah penchhuak tum/ngam an awm lo tih theih a ni.

Hetih lai hian, kalpui tum dan lo lang thinte lah hi - a hriselna zawng leh natna tha lo lak atanga invenna lam hawi daih a ni leh lawi a. Engtinnge hlim tak leh nuam taka Pathian thil siam ropui tak mai hi nupa inkara hman a nih theih ang tih lam hi a pawimawh zawk a, mahse, tun thleng hian hlamchhiah a la ni tlat si-a hi a vanduai thlak hle.

Zirna mumal pawh nei lo leh bangbo ve tak tak chungin nupui/pasal kan han innei a, zei lo leh khawr ve tak tak kan nih hlawm bawk avangin kham khawp kan hmu lova, nupa inkar a buai chhova, rinawm lohnain bu a rawn khuar nghal chat a, uire-na suala tluk luh mai a harsa tawh thin lo.

Hmeichhe serh hi a awmna a lansar lem loh avangin mipain a awmna a dap fuh theih lohin emaw a hrethiam lo anih chuan mihring taksa bung hrang hrang inzirtirna a nei tha tawk lo tihna a ni a, thil pawi tak a tling. Nupui/pasal inneih hma hian mihring taksa peng hrang hrang awmdan leh hnathawh dante hi uluk taka zirchiang peih an awm meuh lova, chu taka chu nupa nun hlimna tibuaitu langsar tak pawh a ni.

Nupa-a in insiam tawh anih chuan hetiang lam hawi ziahna lehkhabu tha tak tak a awm a, internet-ah pawh lak tur tha a awm nual. A nih loh vek paw'n hmeichhiain darthlalang hmaah dingin mipa zawk kha i tanpui thei a, hmeichhe taksa pian-hmang leh invuah thlip thlep dan hi zawi muangin i zir tir thei bawk ang.

A tlangpuiin, mipate hian an kawppuite tihhlim an tum rualin an mahni pawh intihhlim ngei an tum ruh tlat thin a, hei hi thil pangngai tak pawh a ni. Amaherawhchu, pumkhat ni tawh mah ula, a châng chuan i tihtur hi kawppui tihhlim kha a ni leh daih thei. Hetah hian a vawrtawp i thleng emaw thleng lo emaw amah zawkin khamkhawp a hmuh theihnan theih tawp i chhuah sak a ngaih chang a awm thin ang. 

Hetiang thilah hian nupa inkarah inhnaih tawnna leh inpumkhatna a tha hle anih chuan i kawppui hlimna i ngaihtuah lai leh thupui bera i neih lai khan engtinemaw taka hlimna riau (pleasure) i nei dawn thova, chuvang chuan i tan liau liau pawhin nupa hlimna hi i hmang thin tur a niin pasalte hrilh fo a tha.

Tin, hriat tur pawimawh dang leha chu- hetiang hlimna dangdai tak mai i hriat (feel) theihna tur atan taksa leh rilru a inpeih a ngai a, hriselna a tha tawk tur a ni. A chang chuan, awmdan (position) fuh tawk lo te hi thil awm thei a ni a, position dang hman chhin te pawh a sual lova, in pahniha rem-chang intih ber hman mai tur. Hmeichhe tan, a hnawih chi (cream emaw lubrication) te pawh hman a tha hle a, doctor thurawn lak a pawi-mawh hle a ni.

Chu bakah, kawppuite'n hrehawm an tih leh tih lohte pawh zawh for tur a ni a, na a ti em? Hrehawm riaua hriatna te a nei em? tihte pawh hi zawh a tha. Mipa tan bik a ni mai lova, hmei-chhiate pawh hian mahni hmasialna an nei ve thei thova, chuvang chuan ma-mawh inphuhruk tawnnaah hian a mal (solo) anga kal chi a ni reng reng lo. Engemaw thila insawiselna a awm chuan a rang thei ang bera doctor pan nghal tur a ni ang.

Heng a chunga tarlan takte hian awmzia an la lei lo fo anih chuan, 'Ka tum nge ruh, sa ruh' tichung zela 'try' reng tho tur a ni a. A tam thei ang berin hetiang lam hawi ziahna bu hrang hrangte lakkhawm a, zirchian a, hmeichhe lam thiam doctor te pawh rawn a tha a, a vawr tawp inthlen dun ve ve hi a thil pawimawh tak a ni a, chumi thleng ngei tura beih leh hmalak pawh in mawhphurhna a ni.