Nimin tlai dar 4:30 vel khan Ronghilhlova (45) s/o Vankunga, Republic Veng chuan a nupui nau Laltanpuii (34) w/o Lalhuthanga, Seventh Day tlang chu a nak, a hnute veilam bulah tualchher pistol hmangin a kap a, Vaivakawn Police ten Ronghilhlova hi manin thubuai an siamsak a, vawiin hian Court-ah thawn a ni ang.

NER Vision sawn
Vawiina ‘Consultative Workshop on NER VIsion 2020’ neih tura tih chu rokhawlhna a awm avangin tiamchin awm lova sawn hlat a ni a, hun remchang hmasa berah he workshop hi buatsaih tum a ni.

Mizorama tleirawl leh râwlthar (adolescence) te chuan kawng dik zawh tur leh ngaihtuahna dik nei turin kaihhruaina tha an mamawh hle tih State Council of Educational Research and Training (SCERT) chuan an sawi a, National AIDS Control Organisation (NACO) leh National Council of Educational Research and Training (NCERT) te ruahmannain Mizoramah SCERT, MSACS leh Education Department tangkawp chuan Mizorama High School leh Higher Secondary School 534-ah nodal teacher hmangin hma an la mek tih an sawi bawk.