Kumin hian Mizoramah Lirthei chetsualna a nasa hle a, kan kawng chhiat vang leh driver te inthlahdah vanga puh a ni deuh ber thin. Hetih lai hian India ram hi lirthei chetsual tamna ram a ni hrim hrim a, lirthei chetsual avanga thihna tam lamah phei chuan khawvelah a sang ber hial a ni.

Nizan hmasa dar 7:00 pm vel khan Cachar (Assam) ramchhung Kalohar leh AP Camp inkar, Saiphai hnaih lamah misual hmaithuam 4 ten Saiphai lam pana tlan lai 207 Truck, MZ-05/4691 suamin mi chuangte pawisa kawl lai, Saipum khuaa NREGS, PYYK leh IAY sum tiamin cheng nuai 5 leh sing 7 chuang an laksak a. Dholai Police Station-ah thubuai ziahluh niin, nizan thleng khan rinhleh 2 chu thu zawhfiah tura man an ni tawh.

Mizoram State Information Commission chuan Supreme Court-a Dan hremi (Ukil) pakhat Mehmood Pracha in Mizoram sorkara Waqks (minorities welfare lam hawi) chungchang information RTI Act hmanga a dil chu Mizoram State Information Commission chuan General Administration Department leh Home Deparment te lo inberawna November ni 26, 2009 aia tlai loah chhanna pe turin a ti nia thu dawn a ni.