Mizoram Police-a District Special Branch thawktute leh BSF-a an ‘inteligence group’ BSF G Branch te chuan December ni 8, zan khan Ram-hlun South-ah mi In luaha khawsa mek Manipur hel pawl PREPAK (UPPK) mi leh sa ni ngeia rin Self Style Lieutenant, H.Herojit Singh an man.

Synod Inkhawmpui neih meka rorel inkhawm ni 2-na vawiin khan Mission Vengthlang Kohhran Biak In-ah Moderator Rev.C.Chawngliana hovin neih leh a ni a. ‘Inkawp lo chi inkawp’ chungchang leh ‘Mipa leh mipa, hmeichhia leh hmeichhia inkawp, nupa anga khawsa te dinhmun en that’ chungchang agenda, Presbytery pahnih atanga lut chu sawifiah ngai laite sawifiah a nih hnu-ah sawizuina vak awm lovin Synod Executive Committee hmalak zui tura dah a ni.

Vairengte a CIJWS ram luah tur neituten compensation an dawn tur an la dawn theih loh avang leh forest department in sum an chuh ve avanga harsatna an tawh avangin Association of Occupied Army Land Owners chuan Gauhati High Court -ah sorkar an khing mek.