India ram state hrang hrang Chief Minister-te chu ramchhung himna (Internal Security) chungchang ngaituahin Pathianni khan New Delhi-ah Prime Minister Dr.Manmohan Singh leh Home Minister P.Chidambaram te hovin an thukhawm a. He meeting-a tel Chief Minister Lal Thanhawla chuan, Mizoram-ah Commando Company 2 cheng vaibelchhe 3 ve ve senna tur, sorkar laipui rulh leh atana din tur chu, sum lam harsatna avangin Ministry of Home Affairs-in pechhuak mai turin a ngen.

Nimin khan Aizawl District Fire Awareness Campaign kal mekah Sialsuk Group hovin Sialsuk leh Samlukhai ah Awareness Campaign hlawhtling tak neih a ni. Sialsuk-ah hian Lalthuamliana, District Education Officer; BDO, Aibawk leh RO, Forest ten an hmanpui.

MNF party chuan nimin khan thuchhuah siamin, Mizoram Chief Minister chu NLUP chungchanga dawt sawi thinah an puh a. NLUP chungchang hun hrang hranga a lo sawite an puangzar.