Mizoram sorkar hnuaia hnathawktu pawl hrang hrang inzawmkhawm FMGE&W chuan thil man to lutuk avanga sorkar hnathawk ten harsatna lian tak an tawh avangin, Mizoram sorkar chu a hnuaia hnathawkte hnenah thla thar, May 2010 atanga 6th Pay hmantir ngei tura ngen nise tih vawiin khan executive meeting neiin an rel.

Aizawl City Bus Owners’ Association chuan Aizawl khawpui chhung kawngpui tawt lutuk tawh avangin Mizoram sorkar chu City Bus permit pechhuak tawh rih lo tura ngen an rel.

All Mizoram Farmers Union (AMFU) president R.Lalduhawma chuan Mizoram sorkarin New Land Use Policy a kalpui mekah, he tanpuina dawng tur hian kuthnathawktu/loneitu tak takte, party bik thliar lova huamtir vek an nih AMFU chuan a beisei a, hetianga kalpui a nih phawt chuan AMFU chuan sorkarin NLUP a kalpui mek chu kawng engkimah an thlawp (full support) dawn tih thuthar lakhawmtute a hrilh.